E KOSNAN AKI TA BERDAT? SI TA ASINA, KIKO BEIBEL TIN DI BISA NOS DI ESAKI?

E UNIKO MOTIBU pakiko nos ta publika e tipo di relatonan aki ta pa konsientisa abo ku ta bishita nos website, komparando e notisia i reportahenan aki, ku e Palabra di Dios, i tambe pa medio di duna un pensamentu kortiko riba e topikonan, pero bo konklushon i opinion semper ta di bo pa tuma!

RELASHON BIBLIKO

E prome pasahe bibliko ku a bini imediatamente na mi mente ta; Apocalipsis 6:12-16

I mi a wak ora ku El a kibra e di seis seyo, i tabatin un temblor masha grandi; i solo a bira pretu manera panja di saku traha di lana di kabritu, i henter e luna a bira manera sanger;..,i den versikulo 15 nos por sigi lesa .., 15. I e reinan di tera i e hombernan grandi i e komandantenan i e rikunan i e poderosonan i tur esklabu i homber liber a bai skonde den e kuebanan i meimei di ebarankanan di e serunan 16. i nan a bisa e serunan i e barankanan "Kai riba nos i skonde nos  pa e presensia di Esun ku ta sinta riba trono, i pa e furia di e Lamnchi;

Ki morto mas kruel, ora bo kere ku bo ta sano i salvo skondi den un kueba of den un di e lugarnan aki, ora ku bo a hasi tur klase di esfuerso pa bo por ta eiden, anto bo bin ripara ku e kayente imenso di lava i kandela , smelt e portanan di e kueba ei sera pa semper, ora ku kuminda i awa kuminsa skarsia, i eiden un kuminsa mata otro pa sigi sorbebibi un poko mas, sabiendo ku e final lo ta kruel,! Oh si., e ora ei nan lo desea pa e serunan kai riba nan pero esaki lo no  sosode, nan lo keda dera bibu sin salida!

NOS PENSAMENTU

Kon bin tantu hende ta reporta e notisia nan aki i dikon ningun di nan, no ta wordu persigui si ta mentira i difamashon? Kon bin, e Media di komunikashon Munidal, manera Time Magezine,, CNN , ABC, etc.., NO ta komenta NADA di e kosnan aki?  (Check e proksimo video)

Nos opinion., por tin dos motibu, # 1. E kosnan ku ta wordu publika ta berdat, i pa evita mas spekulashon ku lo hiba nos na Gueranan civil i Chaos mundial prome ku tempu., OF., #2. Esnan ku ta hasiendo e programa nan aki ta parti di e mesun grupo.. i ta bisa netamente loke esnan den top ke pa wordu bisa, "LAGA NAN PAPIA NUMA NI'UN HENDE LO NO KERE NAN TOCH!". Es mas, apoyanan i duna nan tur loke nos ke pa pueblo sa, asina e berdat kompleto lo NO sali na kla, te ora ya ta lat.. i nos tin tur kontrol!

Loke sea, E berdat ta, ku lo bin un temporada di Gran Tribulashon, i e Realidat ta ku Dios a bisa nos adelanta ku e kosnan aki lo sosode! Nos a wordu Alerta, i awor nos Generashon ta mirando e profesianan aki bira realidat! Profesianan di sentenares di anja atras ta akontese den nos tempu, DEN NOS BIDA DIARIO! Kiko nos tin di hasi,? KIKO BO POR HASI? Bo por kuminsa prekupa, i desespera, of bo por simplemente gara i tene duru na e uniko speransa ku ta loke e Palabra di Dios ta konseha nos pa hasi. Mi no ta kere Dios pa medio di Su profetanan i pa medio di Kristu Hesus a hasi tantu esfuerso pa konta nos tur loke ta bai sosode, simplemente pa bo por sa ku E TA DIOS manera Su Palabra ta duna nos di kompronde.., pero mi ta kere en realidat, loke Dios ta bisando nos ta " Mi a bisa bosonan e kosnan aki adelanta, pa ora nan sosode, bo por sa ku AMI TA DEN KONTROL", "AMI TA DIOS!" Bo por Konfia den Mi!! Esei Dios ke bisabo!   Si.,  konfia den djÉ!

Atrobe bo por desespera., of  Bo por Aksepta Kristu Hesus komo bo Salbador Personal., konfiando den Dios Su Palabra ku ta bisa nos, ku TUR ku Jama Riba Nomber di Kristu Hesus LO TA SALBA!! Pa bo jama riba Su nomber, ke men., Arepenti di bo pikanan, rekonos'E komo e Yu di Dios ku a Muri pa bo na e Krus, pa Abo por wordu Salba, i pa BO nomber wordu skirbi den e Buki di Bida, Lo bo no Muri, pero lo bo hanja Bida Eterno!, BO NO TIN DI PASA DEN E GRAN TRIBULASHON! Pasobra Dios ta Fiel i loke Ela priminti, E lo Kumpli ku ne! Atrobe, E no a laga skirbi tur e kosnan aki mil i piko anja pasa, djis pa demostra ku E ta sabi.., Ela hasié pasobra E STIMA BO! i E no ke pa abo bai perdi!

Manera mi a bisa den kuminsamentu, nos por simplemente pone e kartanan dilanti bo, pero.. ta ABO TIN DI SKOHE! E uniko kos ku mi por bisa bo ta, Ku Dios a krea bo, ku inteligensia, bo ta un kriatura sabi, Skohe sabi, Skohe pa Kristu Hesus! Tur loke bo mester sa, ta einan mes dilanti di bo tur dia.! i e alternativa tambe, BO NO TIN MESTER DI PASA DEN DJÉ! Esei no ta e plan di Dios pa bo Bida, Si bo ke tuma un desishon, sea sabi i  tume awor!

ORASHON DI FE!

Ripiti e orashon aki ku mi, Hasié ku e konfiansa ku mi a mensiona na bo anteriormente, konfia den Dios ku E ta den kontrol i E sa kiko E ta hasi! Bisa ku mi., Dios Tata Santu, Mi ta rekonose, ku sin Kristu den mi Kurason, Mi no por drenta Bo reino, Pordonami mi pikanan, hasi mi limpi, Labami den e sanger di Kristu Hesus.., Senor Hesu Kristu, Bin biba den mi Kurason, Mi ta proklamabo, Mi Rei, Mi Senor, i mi Salbador! Dios Tata, danki pa manda Kristu Hesus muri pa mi na e krus, Danki pa mi salbashon, Senor mi ta kere ku tur mi kurason, ku mi nomber awor, ta skirbi den e buki di BIDA! i ku awor mi ta bo yu!

Danki Tata, Amen.

Aleluyah, si bo a hasi e orashon aki ku Fe, keriendo di berdat i ku sinseridat di bo kurason, e restu ta den man di Dios , i Su Palabra ta priminti nos ku E ta seya nos ku Su Spiritu di Promesa! Konfia den Dios, buska pa sa mas di DjÉ., bo por komunika ku nos i nos lo sigi guiabo den Su Palabra.simplemente konfia den djÉ, i sabi ku e STIMA BO! i NOS TAMBE!

Dios Bendishonabo rikamente!